Unha vintena de persoas recibiron formación en conservación de montes e xardinería da man do taller Reserva de Biosfera: emprego verde

Abegondo acolleu, esta mañá, a clausura do taller dual de emprego ‘Reserva de Biosfera: Emprego verde II’. Trátase dunha iniciativa coa que tanto o Concello de Abegondo como os de Bergondo, Betanzos, Carral, Coirós, Oza-Cesuras, Paderne e Sada buscaron seguir impulsando oportunidades laborais en dúas áreas cunha gran demanda: conservación de montes e xardinería. A clausura do taller correu a cargo do rexedor abegondés, José Antonio Santiso, e da conselleira de Promoción do Emprego e Igualdade, Elena Rivo.

No peche do programa tomaron parte a alcaldesa de Bergondo, Alejandra Pérez Máquez; o alcalde de Carral, Javier Gestal; o primeiro edil de Paderne, Sergio Platas Casal; o alcalde de Oza-Cesuras, Pablo González Cacheiro; o rexedor de Coirós, Francisco Quintela; o concelleiro de Formación e Emprego de Betanzos, Ricardo Cheda Faraldo; e a edil de Igualdade e Emprego de Sada, Patricia Martínez Abruñedo.

Durante a súa intervención, Santiso felicitou ás persoas participantes no taller, incidindo en que “é o primeiro paso para que poidades abrirvos as portas de dous sectores cunha gran demanda”. O rexedor agradeceu, ademais, a colaboración da Xunta de Galicia e avanzou que o organismo autonómico concedeu xa unha nova axuda de medio millón para organizar outro taller de emprego.

Coñecementos teóricos e prácticos

Ao longo dos 12 últimos meses, unha vintena de persoas dos oito municipios participantes recibiron formación teórica nos campos da conservación e mellora de terreos forestais e de xardinería. Con todo, ademais da teoría, o alumnado realizou tamén diversos traballos de mantemento e conservación de montes, camiños e zonas forestais ou verdes dos oito concellos involucrados.

As persoas que concluíron a formación conseguiron os certificados de profesionalidade das especialidades de Actividades auxiliares en conservación e mellora de montes ou na de Actividades auxiliares en viveiros, xardíns e centros de xardinería.

0 comentarios

Dejar un comentario

¿Quieres unirte a la conversación?
Siéntete libre de contribuir!

Deja una respuesta

Tu dirección de correo electrónico no será publicada. Los campos obligatorios están marcados con *