Por medio da RESOLUCIÓN do 7 de febreiro de 2022, da Dirección Xeral de Formación e Colocación, convócanse as  probas de avaliación en competencias clave para acceder á formación dos certificados de profesionalidade dos niveis 2 e 3 de cualificación (código de procedemento TR306A).

Acceso á sede electrónica: https://sede.xunta.gal/detalle-procedemento?codtram=TR306A&anno=2022&numpub=1&lang=gl

Obxecto

O obxecto desta resolución é convocar probas de avaliación en competencias clave para o acceso ás accións formativas dos certificados de profesionalidade de niveis 2 e 3 de cualificación profesional da formación profesional para o emprego no ámbito da Comunidade Autónoma de Galicia (código do procedemento TR306A).

Así mesmo, cómpre establecer as posibles exencións ás probas e validacións das distintas competencias clave, así como consideracións sobre a expedición de certificados de profesionalidade.

Competencias clave que se convocan .

1. Convócanse probas nos niveis de cualificación profesional 2 e 3, nas seguintes competencias clave:

• Comunicación en lingua galega.

• Comunicación en lingua castelá.

• Comunicación en lingua estranxeira (inglés).

• Competencia matemática.

Prazo

Prazo de presentación: ABERTO

17/02/2022 - 07/04/2022

O prazo de presentación de solicitudes comezará a partir do día seguinte ao da publicación desta resolución no Diario Oficial de Galicia e rematará o 7 de abril de 2022.

Acceso á orde completa: https://www.xunta.gal/dog/<wbr></wbr>Publicados/2022/20220216/<wbr></wbr>AnuncioG0599-080222-0002_gl.<wbr></wbr>html