Abegondo impulsou un acordo coa Garda Civil para a reforma do seu cuartel

O Concello de Abegondo acaba de acometer obras de reforma no cuartel da Garda Civil do municipio, en virtude do convenio asinado co Instituto Armado. Trátase dunha colaboración pioneira entre un concello de Galicia e a Garda Civil co obxecto de contribuír a que presten o seu servizo esencial nas mellores condicións.

O alcalde, José Antonio Santiso, visitou hoxe o posto, situado en San Marcos, para observar o resultado dos traballos. A actuación desenvolveuse nun dos pavillóns do cuartel, onde se sitúa unha das vivendas para os axentes.

As obras consistiron na reforma das estancias, con disposición de novo chan, carpintería exterior, portas ou radiadores. Tamén se revisou a instalación eléctrica e pintouse todo o recinto.

O convenio supuxo a achega do Concello de 44.876,63 euros. Santiso avanzou que os orzamentos municipais deste exercicio contarán cunha partida similar para seguir colaborando coa Garda Civil na rehabilitación do cuartel de Abegondo.

“Queremos apoiar en todo o posible o día a día dá Garda Civil porque fai un traballo absolutamente imprescindible para Abegondo”, expresa o alcalde. O rexedor aposta porque o persoal poida seguir crecendo e que o cuartel teña efectivos todo o ano dado que “é unha demanda veciñal especialmente importante para a seguridade cidadá no rural”.

0 comentarios

Dejar un comentario

¿Quieres unirte a la conversación?
Siéntete libre de contribuir!

Deja una respuesta

Tu dirección de correo electrónico no será publicada. Los campos obligatorios están marcados con *