Abegondo abre o prazo de solicitude para as lumeiradas de San Xoán 2025

A veciñanza do Concello de Abegondo xa pode cubrir o formulario para solicitar a autorización necesaria para realizar as tradicionais lumeiradas de San Xoán en espazos públicos.

No formulario tamén se detallan as normas relativas á prevención de incendios que todas as persoas solicitantes teñen a obriga de cumprir.

As persoas que precisen máis información poderán contactar coa Casa do Concello no teléfono 981 647 909.

O prazo para realizar a solicitude está aberto ata o 20 de xuño ás 14:00 horas.